Usgrüschtet mit Taucherbrülle, Schnorchel und Flosse simmer tapfer wieder uf Richterswil go schwümme :-) Phuuu mir händ d Prüefig abgleit für die 400m Durschwümme und dänn isch es wieder as abschleppe gange..Nachdem ja Euse Lehrer gmeint hät mir müesset 20m tauche, hät d Susi am Mäntig grad wieder welle hei, aber neiiiiiii!!!!! de Christoph laht sie nüme us de Chralle hihihi

s Abschlappe isch guet gange, ussert das de Fräse schwer wie en Stei isch...d Susi hät en knackige Junge Ruederer abgschleppt juhuuuuuuuuu

Dänn isch es ad Befreiigsgriff gange brrrr das isch gar nöd so eifach und d Lehrer händ sich immer agschliche und eim welle abezieh..mir händ schön Schiss gha, aber das müemer na recht üebe, das chunt au ade Prüefig iiihhhhhhh

Nach dene Strapaze isch Eus scho fascht d Chraft usgange und dänn hät de Sklavetrieber gseit mir söllet d Chleider alegge und namal 6 Längene schwümme und je 2 Längene abschleppe :-)

Völlig duregweicht hämmer Eus dänn chöne uf de Heiweg mache und dank de Susi Ihrne Notfalltropfe wo sie Eus is Schnörrli gsprützt hät, hämmer au kei Muskelkater jupijupiiiii



Hüt chömmer mer i de Zitig jaaaaaaaaaa genau im Höfner Volksblatt, d Claudia hät en super Bricht gschriebe und d Fotene sind genial worde. Allerdings hät d Claudia gseit das Ihri Redaktion die Taucherbrülle Fotene so guet gfunde hät, dass das Foti grad uf d Titelsite chunnt, das heisst für d Susi und mich: irgendwo verstecke wo und wie au immer hihihihi

Mir beide Nixe sind gestert tapfer wieder uf Wädi go schümme, brrrrrrrrr... s isch eigentlich guet gange, aber Eusi Bei sind immer na agschlage und nach ere viertel stund im Wasser han i müesse s Pouletkombi alegge hihi Hüenerhut vo z' oberst bis z underst...

Sicher 1 Stund hämmer mit em Christoph güebt und dänn simmer hei go "Wunde lecke" und es Glas Rotwy schnappe :-)

Hüt z Abig gaht's wieter, mir müend Chleider und Flosse mitneh uiuiuiui

Jetzt muess i aber vorwärts mache, am 10ni chunnt d Claudia, sie wett en Bricht über Eus schriebe für in Höfner und mir freuet Eus riesig uf sie.....

Uiuiuiiiii, dank de Susi Ihrere Rosssalbi isch de Muskelkater wie dur es Wunder weg :-)

Das heisst, mir chönd ab sofort jede Tag go schwümme und springet nachher ume wie Rehli tralalala

Natürlich müend au alli andere Sache nebedbi erlediget werde, wie poschte, putze, wäsche, choche und die schöne Sache wie Yoga, Buchtanz, mit de Hündli spaziere und zum Coiffeur gah, wo mer doch scho bim Thema wäret :-) Ha nämlich dörfe zum chline Pfünderli nach Wädi und aaauuuuuttttsch, Sie hät mich quält mit Augebraue zupfe grrrrrrrrrr ha grad müesse jammere wie verruckt hihihi

Uf jedefall bin i jetzt startbereit und ha Augebraue wie de Jack Nicholson juhuuuuuuuu

Schwümme

Mir sind gestert tatsächlich tapfer is Hallebad, super Usgrüstet mit Flosse, Taucherbrülle und Schnorchel hihi mer weiss ja nie was da so umeschwümmt :-)

Allerdings händ d Susi und ich glaub e Zerrig i de Oberschenkel vor luter Rettigsversüech..tztztztz glaub mer sind so richtig schön igrostet..vermuetlich söttet mer echli weniger Wasser trinke und defür echli meh Degustiere hahaha

Uf jedefall simmer uf alli bekannte Arte gschwumme und sind wie Fisch taucht. Das Experiment mit de Flosse isch relativ guet glunge und de Fräse hät Eus die richtig "Schwadertechnik" zeigt.

Er isch de Einzig wo nur im Schulterbereich Muskelkater hät, sini Bei sind vermuetlich vom viele laufe super trainiert..mhhhh leider hämmer trotz Taucherbrülle kein Schatz uf em Grund gfunde, aber wer weiss was da na alles so uftaucht :-)

Gestert Morge am 9ni hämmer endlich emal Zit gha zum zämmesitze und alles ufschriebe was na z erledige isch, phuuuuuu mir sind grad echli is rotiere cho :-) Defür isch jetzt d Spiescharte fertig und mir händ au es paar super Wy entdeckt, mmmhhhhh fein


Am Mittag hämmer müesse Richtig Bäch go luge wo mer en Rettigsring überchömed, well eine isch vermuetlich wegcho tztztztz s hät allerdings nöd funktioniert und so simmer namal id Badi go d Bäum abmesse hihihi mir händ en Plan:-)


Es hät scho ganz viel Lüt am See gha wo mit de Chind sind go spiele und nach de Oschtere lueget mer das gli d Kafimaschine funktioniert und's es paar Sweetys für die Chline det hät...




Hüt hämmer namal mit em Getränkelieferant gredt, sind na es paar Sache unklar gsi und dänn simmer ab go d Lounge bstelle, juhuuu es wird es Paradies i de Badi und au de Palme wo scho det sind gaht's super... brrrrr mir wänd namal go schwümme und debi tobet dusse jetzt grad en richtige April- Sturm..Ja nu, uf Zäh bisse und dure :-)

Wow das isch en wunderschöne Tag gsi gestert und mir sind am Namittag sicher 3 Stund am See gsi, händ planet und mit em vorläufig letschte Lieferant gredt. Endlich hämmer au chöne emal de ganzi Kiosk durelüfte und de Herr Wettstei vo de EW Höf hät alli Sicherige wieder uf Position bracht, das heisst: bald chömmer d Kafimaschine in Betrieb neh jupiiiii :-)

De See hät ca. 3° und im Moment sind so ziemlich alli bekannte Vogelarte uf Eusne Floss.

Hüt müemer emal na es paar Bstellige mache und diversi Sache organisiere wie: Rettigsring abhole, Kaffibohne chaufe ( zum luege öb d Maschine na lauft) und d Badi Apothek neu ufrüste, damit d Biene im Summer kei Chance händ :-)

Rettigsschwümmer

Phuuuu jetzt hät tatsächlich de Kurs für's Rettigsschwümmbrevet agfange :-) Mir händ alli Buchweh gha vor em 1. Mal und sind tapfer is Wasser ghüpft... 400m schwümme, 16m tauche, Ruggeschwumm, öpper im Wasser abschleppe und Tellerli tauche, brrrrrrrrrrr isch voll astrengend gsi. Mir sind so ziemlich igroschtet, also säget mer emal de Fräse und ich, d Susi isch super gschumme :-) Uf jedefall simmer total KO nach 2 Stund Wasser usegloffe hihihi

S nächst Mal müemmer Chleider mitneh und Flosse juhuuuuu de Fräse hät riese de Plausch :-)

Jetzt gahts ab id Badi, de Coca Cola Lieferant chunnt.

Hüt chunnt min neue Bachofe tralalalaaaa, dänn chan ich endlich Chueche bache für d Badi mmmhhhh...allerdings han i nöd so guet pfuset, hüt fangt de Schwümmkurs a brrrr mir händ alli echli Schiss.. 400m Schwümme, 20m Tauche, abe em 3m gumpe, allerdings grad abe wie es Meitli juhu und dänn isch na de Lebensretter debi wo mir lernet wie Herzmassage u.s.w. gönd und das alles vo 19.30- 21.45 Uhr. Ich früüüüre jetzt scho hihihi

de Früehlig chunnt juhuuuuuuuu

Bald bald isch es sowit und d Badisaison 2010 startet. Phu, es git na extrem viel z tue....

Jetzt isch gli Endi März und d Susi und ich händ jedi Wuche es paar Vertreter vo feine Sache bi Eus. Au hämmer scho es paar Rotwy, Proscco u.s.w. degustiert" hicks" :-)

Am DI startet de Rettigsschwümmkurs und mir händ grad echli Angscht uiuiui was chunnt ächt da uf Eus zue brrrrrr.....

Uf jedefall simmer voll motiviert und freuet Eus riesig uf d Badisaison.