En tierische Tag :-))))))

Eusi würklich wunderschön Badigans hät wiederemal en Bsuech gmacht und isch ganz nöch zu mir cho und hät mi agfaucht hihihi

Dänn isch Eusi Schwanefamilie verbigschwumme und hät stolz Ihri 5 Junge zeiget :-)

Gege de Abig wo's nüme so heiss gsi isch sind dänn na d Nia und de Gonzales uftaucht und händ die fein Seeluft igschnupperet :-)

Uiuiui und öppe am 7ni isch es wieder ganz dunkel worde und mer glaubt's fascht nöd, aber es hät ghaglet wie verruckt! Guet simmer dehei i Deckig gsi brrrrrrrrrrrrrrrrrrrrr

27.05.2010 Geburtstag Papeli und spannende Arbetsweg :-)

Juhuuu Geburtstag vom Papeli :-) Leider hät s Wetter nöd so mitgspielt und drum hämmer anstatt i de Badi, s Fleisch in Wollerau uf de Grill grüehrt mmmhhhh fein gsi :-)

So wie's usgseht verwirrt nämlich das Wetter nöd nur Eus, sondern au d Ente...die händ sich nämlich vo mir gar nöd beidrucke lah und sind gmüetlich vor em Auto in Richtig Badi gwagglet hihihi guet isch Euse Arbetsweg so churz :-)

D Jeannette hät Eus dänn na es schwarzes Badi Shirt gstickt und die Farbe wo sie gwählt hät sind en Hit :-)

Yoga und Yacht

Endlich endlich hämmer hüt s erscht mal chöne d Yogastund mache und de Joshua hät riesig Freud gha a dene Ladies wo cho sind und mit Ihm ganz vorne uf em Steg am See Yoga gmacht händ.

Und namal endlich endlich isch Eusi Yacht cho hihihi mir händ schön müesse lache und trauet also dere sach nani so ganz uiuiui hoffentlich hebt das Böötli brrrrrrrrrrrrrrrr

Am Abig isch dänn so ganz langsam alles dunkel worde und d Sunne hät nur na ganz wenig duredruckt. Also die Abigstimmig isch wunderschön gsi und leider hämmer dänn müesse zuemache, well's cho isch go stürme und regne...Ja nu, morn gaht's wieder los jupiiiiiiii

Phuuuu Pfingstmäntig

Am Pfingschtmäntig am 8ti am Morge hämmer i aller Rueh s Salatbuffet grüschtet und d Sunnerschirm ufgstellt..Guet hämmer das gmacht well am 10ni isch es losgange und mir händ durchgehend kochet, gfrittiert und grilliert phuuuuuuuu das isch voll de Stress gsi :-)

De Dave hät dänn müesse de Kiosk manage und zum riese Glück isch d Martina verbicho und au sie hät grad i de Chuchi müesse ad Säck..juhuuuuuu

Dänn hämmer i dem ganze Gstürm na Bsuech us Gommiswald übercho und die 2 händ sogar na en Tisch chönne ergattere :-)

Am Abig isch na die ganz Familie Wenger verbicho und de Cédric hät na fescht gholfe ufrume- Uf jedefall simmer total KO gsi am Abig und wie 2 Herdöpfelsäck is Bettli plumpst:-)

Pfingste isch da :-)

Am halbi 10ni sind d Martina und de Sascha verbicho und mit viel Überredigskunscht isch de Sascha dänn tapfer mit em Schrubber zum Floss gschwumme :-) Und das i de Turnschue, well de Bode so schlammig isch hihihihi

S Wasser isch erscht 13° gsi und de Sascha hät müesse mit de Zäh klappere...mir händ em dänn grad es Schnitzelbrot und en Kafi Zwetschge gmacht..juhuuuuuuuuu

Am Morge isch es na ziemlich friedlich gsi und plötzlich isch es losgange und mir sind i de Chuchi umegsaust wie wildi Biendli...irgendwenn simmer so is schlüdere cho, dass mer händ müesse de Dave über s Megafon rüefe :-) Gott sei Dank hät er sich extrem schnell z recht gfunde und de Kiosk total im Griff gha.

Gege de Abig isch na de Michi mit Familie cho, sie händ en super Tag uf em Boot gha und händ en Bsuech uf de Ufenau gmacht. Au d Insle isch total überrennt worde und sie händ grad en Glacenotstand übercho. Guet hämmer so viel Glace krömlet, mir händ die nämlich grad chöne uslehne und de Michi häts über Seeweg übere bracht :-)

Badi Time :-)

Chum i de Badi isch d" Stripes", dasmal über de Wasserweg scho bi Eus itroffe :-)


Eusi Bandi hät sich's dänn grad gmüetlich gmacht und na es Morgeschlöfli i de Wiese gmacht...

















Euse erschti tapferi Badigascht
und das bi 11° brrrrrrrrrrrrr :-)







Au s Tischtennis isch in Betrieb gno worde und es hät es paar spannendi Match geh....



D Franca, de Gulio und d Liv händ sich uf em Spielplatz ustobet :-)

Uiuiui plötzlich isch e Polterabigtruppe verbicho und hät grad Eusi Bierbeständ eliminiert hihihi

Mir händ dänn ganz viel Gäscht chöne verwöhne und 2 devo hämmer sogar chöne verarzte, e Schnittwunde und en Bienestich tztztztztz

Am Abig hämmer na s Champions League übertreit und Inter hät gege Bayern 2:0 gwunne

Mir händ en Gfrührerchef juhuuuuuuuuuu

Endlich wird's wieder wärmer und mir händ wiederemal alles chöne usestelle...es isch au gar nöd lang gange bis die erschte Gäscht cho sind go en Kafi schnappe:-)

Leider hämmer immer na en Ahornbaum wo so ziemlich dürr isch und de versuechet mer scho lang mit allne mögliche Mittel z rette. Jetzt hät d Susi das id Hand gno und mit dem spannende Grät hämmer ganz viel Bakterie und suschtigs gschmeus im Baum gfunde und eliminiert!

Am Mittag sind dänn na de Sigi und s Gerli cho well mir na es paar Steckdose zwenig gha händ, mir wänd ja über Pfingste s Salatbuffe in Betrieb neh mmmhhhh fein :-)

S Gerli hät sich dänn abote Euse Gfrührer ufzrume und d Schachtle z beschrifte und ab sofort isch Sie Euse "GFRÜHRCHEF" :-)

Eusi knuddlig Gans isch erscht am 4i agfloge und dänn ganz gemächlich über de Rase gwagglet, sie isch würkli die Allerischönscht :-)

Startbereit...

Wow, gestert isch Euse Rase gmäht worde und mir sind na feine Salat go poschte für's Pfingstwuchenend mmmhhhhh

Au de Maler isch verbicho und hät alli WC und Garderobetüre frisch gstriche...s gseht wieder us wie neu:-)

Natürlich isch au Eusi Badigans wieder det gsi und hät ganz wichtig de Steg bewacht....

Neui T Shirt juhuuuuuuuuu

Hüt bin i go Eusi neue T- Shirt hole bi de Jeannette, die sind genial worde und werdet a de Pfingste grad igfüehrt juhuuuuuuuuuuu

D Jeannette hät die selber entworfe und Sie stickt die coolschte Sache...gönd emal go luege under: http://www.shirt-box.ch/

Ich bin dänn plötzlich in Stress cho well d Sunne cho isch...:-) Bin schnurstracks id Badi und det isch es aber alles anderi als schön gsi, brrrrrrrrrrrrrrrr

Defür han i grad die mmmhhhh feine Fischchnusperli abpackt und es paar Sache vorbereitet, well a de Pfingste wird's 25° tralalalalaaaaaaaaaa endlich Summer :-)

schlecht Wetter Programm

Dur das ewige schlechte Wetter glänzet jetzt Eusi deheis wie verruckt und d Wöschmaschine bruchet dringend e Pause:-)

Allerdings hät de Wetterfrosch für Endi Wuche super Ussichte und mir freuet Eus scho riesig bis mir wieder ohni Winterhagge chönd id Badi...

D Susi gaht nachli i Richtig Berge go Eusi Meditationstrainerin bsueche und ich dörf go Fuess- French mache zu de Denise uf Eisiedle und mini Schnusina chunnt au mit tralalalalaaaaaaaa

Neiiiiiiiiiiii

Und immer na regnets und regnets und wie wänn das nöd scho schlimm gnueg wär, isch es au na gfürchig chalt brrrrrrrrrrrrrrr

Eusi Badiwiese isch langsam en Sumpf und de See hät extrem viel Wasser übercho.

Au suscht isch so ziemlich alles nass und die arme Palme stönd i Wasserlache!

Also wenn das so wietergaht müemmer glaub d Badi is Tessin verlegge :-)))) Det händ's nächscht Wuche über 25° tztztztz

Ja nu, hilft alles nüt, drum für alli wo de Blogg leset da es paar Sunnestrahle....

Servatius de 3. Isheiligi!!!!!!

Tztztz also würkli, es regnet und regnet und es wird immer chälter! Müemmer ächt de Skiazug wieder useneh?

Die einzig wo sich vo dem Wetter nöd abschrecke laht isch Eusi Badigans :-) Sie isch immer irgendwo am umewandere und schnappet sich die feine Regewürm i de Wiese mmmhhhh

Öppis guets hät das düschtere Szenario doch na gha, Eusi Bandi hät nämlich en Beamer gholt alles grad installiert. Das heisst, mir sind startbereit für d WM 2010 juhuuuuuuuuuu

Sunne und Sturm

Am Morge häts ja na gregnet wie verruckt, aber am 11i wo die erschte Sunnestrahle cho sind, hämmer grad ufgmacht und Eusi alleriliebste Gmeindsarbeiter sind scho am Rasemähe gsi:-) Sie händ ganz schöni Muschter in Rase gfahre mit MINIERE Maschine hihihi

Chum hämmer agfange choche, isch d "Stripes" cho mini Lieblingsgans wo ich tauft han :-)

Dur en Kolleg han i ganz es lässigs Wetterprogramm übercho und wow det händ's gseit am 5i würd's stürme...heieiei tatsächlich, am 4:45 isch es immer dunkler worde und dänn isch es losgange mit Blitz und Dunner und Welle wie wämmer am Meer wär..Also die Stimmig am See isch irrsinnig gsi, ich liebe Stürm :-)))))

Muettertag :-)

Z erscht hät de Wetterbricht gseit es würd Regne wie verruckt und wow plötzlich isch d Sunne usecho und mir händ ab em 10ni ganz viel Müettere mit eme feine Prosecco chöne begrüesse:-)

Mir händ dänn grad alles für Eusi chline Gäscht parat gmacht und nach em Mittag sind Eusi Eltere und Fründe verbicho und händ's so richtig chöne gnüsse und sünnele.

Mir händ dänn bis am 8ti Gäscht gha und händ dänn vom Begi, de Andi und em Trudi zum Muettertag na en feine Kafi Zwetschge übercho...mmmhhhhhhh