Jetzt isch es 2 Wuche schön gsi und usgrechnet a de Saisoneröffnig häts gregnet! Ja nu, de Urs und d Andrea sind verbicho und händ Eus ghulfe d Zelt ufstelle :-)
I de Zwüschetzit sind de fräse, de Marco und de Vali in Hornbach go e Lüchtschlange und na es Zelt go hole und hey, das Zelt hät Eus grad echli Nerve koschtet! De Cheib hät Eifach nöd welle stah und zum Glück isch dänn na de Pät's und de Dave cho und händ mit Chlebband alles befeschtiget....
Grrrrr das doofe Zelt :-) hihihi
Ca. am 15:00 händ dänn 2 ganz netti Mitarbeiter vo de Metzgerei Egli in Pfäffike Holzcholegrill und d Würscht bracht und da mir ja ca. 150 Lüt erwartet händ, isch das grad echli en Chraftackt gsi :-) De Fräse und de Marco händ sich dänn sofort id Chuchischurz gworfe und de Grill agheizt und sind dänn immer emal vom Pät's, am Dave, de Lorena und de ganze Crew abglöst worde...:-)
I de Chuchi hät Eusi guet Fee d Gabriela alles im Griff gha und isch umegsaust wie es Biendli, ha sie gar nie richtig chöne ifange für es Föteli :-) d Linda, de Gabriela ihri Tochter hät au mitghulfe und mit Eusne chlinschte Gäscht gspielt. Und d Karin hät fliessig Bowle usgschenkt und Salöt und Dessert hin und hergfuget....
Dank Eusne liebe Gäscht, hämmer es wunderschöns Salat und Dessertbuffet chönne mache und es hät allne super gfalle.
Eusi allerspötischte Nachtschwärmer sind dänn nach eme Kafi Zwetschge so gege die 2:00 heigwanderet :-)
Keine Kommentare:
Kommentar veröffentlichen