Eusi Schwanefamilie hät sich's im Sand gmüetlich gmacht bis de Ruederclub verbicho isch go z Mörgele...Wow, d Carolina hät mit es paar fliessige Ruederer bi Eus agleit und ich ha grad müesse stune, isch doch d Daniela debi gsi wo en Schnupperruedertag gmacht hät:-) Sie hät das super gmacht und isch lut Carolina es Usnahmetalent bravissimoooooo 
Ca. am 10ni isch dänn de Dave, Euse Yacht Kapitän zu de Floss ufbroche und hät die 2 kärcheret.
D Badi hät sich dänn so langsam gfüllt und au d Martina, de Sascha, de Päts, d Julia und natürlich d Ruederin Daniela händ sich's schön gmüetlich gmacht und öppis z Esse gschnappet mmmhhh
Und dänn hät's na e riese Überraschig geh für mich, de Adi und de Hugi sind mit Früne verbicho juhuuuu ich ha riese de Plausch gha:-) Ich würd fascht säge, de Adi isch Euse bis zum jetztige Zitpunkt de vo am wietischte hergreiste Badigascht, er lebt nämlich in Hong Kong :-))))
Da ich ja meistens die feine Chueche wo Eusi Mama's machet mithilfe z reduziere, hät dänn mis Mameli innere Blitzaktion en feine Birechueche abebracht und i aller Rueh na es paar feini Fischchnusperli gesse.
Uiuiui und am halbi 7ni isch Eusi ganz Chuchi lahmgleit gsi brrrrrr mir händ niened meh Strom druf gha und s EW hät Notfallmässig müesse arucke. Die händ dänn usegfunde, dass Euse Grill über de Jordan isch, hmmm das heisst Plan B für de Sunntig :-) Viel Salat und mit em chline Brötliofe sött ich es paar Würscht chönne grilliere...bin ja gspannt!
Keine Kommentare:
Kommentar veröffentlichen