Ustrinkete Saison 2010

d Ustinkete mit Eusne liebe Gäscht isch super gsi und mir sind grad echli verwöhnt worde :-)

d Edith hät Eus e wunderschöni Loungedecki glismet, wow !mir händ grad echli gstunet:-)

Mir sind dänn au vom Roger extrem Überrascht worde und händ e irrsinnigi Turte mit de Arielle und em Fabius übercho. mmmhhhh die isch super fein gsi mit Schoggi und Vanillecréme...ich hät am liebschte grad dribisse hihihi

Mir 2 Meerjungfraue händ dänn mit viel Freud d Turte agschnitte und händ mit Eusne Gäscht uf die spannend und wunderschön Saison 2010 agstosse :-)



D Susi hät dänn na Fackle organisiert und da mir vom Ernst händ dörfe de Grill bhalte, hämmer det au na agfüret....



Mir händ dank em Fräse, Eusem Herr Brändli hihihi, dänn tatsächlich bis am Morge am 3 es irrsinnigs Fürli gha wo mir Eus händ chönne ufwärme :-)

Au uf em Blogg- Weg danket mir namal allne Euse liebe Gäscht für die grossartig Unterstützig dur d Badi- Saison 2010 und mir freuet Eus scho riesig uf s 2011 wenn mir wieder alli dörfet begrüesse :-)

Rauchzeiche i de Badi :-)

Am Mittwuch Namittag sind namal es paar Ladies mit Chind verbicho und händ die letschte warme Sunnestrahle gnosse :-)

                                              
                                         Mir händ's Eus dänn mit feine Glace, Kafi und Chueche so richtig gmüetlich  gmacht mmmhhhhh




Gege de Abig hät dänn en Gascht die knudlig Raupe gfunde und die isch wie en Blitz über sini Händ krabblet :-) Das wird sicher en wunderschöne Schmetterling.



Wo's scho langsam dunkel worde isch hät Eusi Gsellschaft igfüret und ich bin extrem fasziniert gsi vo dem Grill :-)

Mit Rauchzeiche, hät dänn de Grillmeischter sini Gäscht zum z Nacht grüeft hihihi evt. händ die ja Indianischi Vorfahre :-)
Uf jedefall isch es en glungene Abig worde mit viel Ässe, Spass und spannende Gschichte......

Ustrinketä i de Badi Freiebach, zum Wohl :-)

E spannendi, lehrriechi und wunderschöni Badesaison gaht am End entgege und drum machet mir mit allne Badigäscht e Ustrinketä:-)
Es hät solangs hät, "Cheers" :-)

Bsuech vom Uncle Peter, de Brigitte un em Isbär :-)

Am Sunntig sind de Peter und d Brigitte verbicho und händ Eus Ihre grossi Isbär vorgstellt hihihi

de chlini wiessi Schneeballe wird emal en grosse Bernhardiner hihihi er hät uf jedefall die ganz Badi unterhalte und jedes Blatt wo abem Baum gheit isch gjagdt :-))))

X wie Xavier Naidoo :-))))))) und de schöni Bluemeboge

Aha das isch sicher s Zeiche dass de Xavier Naidoo nächscht Saison es Konzert i de Badi git hihi träume isch erlaubt :-)

Euse Bluemeboge hät sich recht gmacht und schlänglet sich schön rundume mit herzige Blüemli :-)

Eusi 4 Herzige werdet gfüetteret mmmhhh gutiguti

Eusi 4 Schwaneteenager wüsset scho ganz genau wenn's öppis feins git bi Eus und schwümmet dänn de Muetter devo in richtig Badistrand :-)

De Roger hät dänn de Skihändsche montiert falls au d Muetter Schwan es Guti hät welle, aber die chline sind schneller gsi :-)

Uf em Spiesplan sind dänn Schnabelgerächti Brotstückli gsi und die 4 Teenies händ s so richtig gnosse mmhhh

Jetzt müend nur na d Flügeli wachse und dänn chönnds wie die Grosse wichtig tue uf em See juhuu

De luschtigscht Samschtig vo dere Saison :-)

De Samschtig hät scho super agfange mit eme Heiligeschy :-)

Die 3 Herre händ sich's dänn grad uf de Ligestüehl bequem gmacht berfor s wieter gange isch as U2 Konzert juhuuu

Je spöter de Samschtig worde isch desto Füechtfröhlich isch er worde und Eusi Edith hät de Manne Ihri " Hans und Peter" vorgstellt :-)

Au d Ladies am vorderschte Tisch händ sich mit Wulledeckene und Zwetschgelutz warm ghalte :-)

Well ja na s Chappelifescht gsi isch sind d Manne natürlich au nur im Hemp verusse und händ dänn au e Decki brucht...

D Susi und de Cédric, Euse Mojito Spezialischt, händ dänn am 10ni wo alli fascht am verhungere gsi sind, na es chalts Plättli zauberet mit feinem Raclettechäs und Hot Paninis mmmhhhhhh fein gsi

Mir händ de ganzi Badistammtisch belageret und sind bis am 23:30 dusse ghöcklet.

D Abigstimmig isch eifach de Hit gsi und das git sicher es super Poster :-)

Schwümme bi 19°C brrrrrrrrrrrrr und Spionefoti :-)

d Edith isch ganz tapfer bi 19°C in See go schwümme und das nöd nur 1x :-)

Dänn hät's e Attacke uf de Roger geh und de isch grad echli nass worde hihihi

Well d Edith immer so spannendi Sprizzgetränk macht mit diverse Gummizügs drin, han i das welle dokumentiere und schwupps hät mich de Roger verwütscht, de Spion de :-))))

Wer isch das?

Kennt öpper de Fan????? :-)

wunderschöni Stimmige und guehnendi Schwändli :-)

<>

another day in paradise

Die 4 Grossfüessli guehned wie verruckt, die würdet super i Eusi Familie passe hihihi

Eusi Schwändli sind scho fascht so gross wie d Eltere und bald sind sie sicher au so schön wiess :-)

Mir händ wunderschöni Stimmige i de Badi und gnüsset die warme Sunnestrahle wo immer wieder fürechömed....

Märlistund mit de Susi :-)

Am Mittwuch am 14:00 hät d Susi bi Eus ide Badilounge Märli verzellt und trotz em regnerische Tag sind es paar chlini Gäscht verbicho und händ ganz gspannt zuegloset :-) D Chind händ dänn na chönne echli zeichne und en feine Sirup trinke und Brownies schmause mmmhhhhh

d Seechueh, s Blätterbett und Summerwinterfüess :-)

Jetzt wart ich scho de ganz Summer uf d Seechueh und schwupps, endlich isch sie da :-) die riese Maschine pflüegt s Seegras und d Alge und fahrt relativ nöch am Ufer verbi...

Mini Seechueh isch die Allerigröscht :-)

Mir händ extra für d Edith es Laubbettli parat gmacht well sie geschtert nach em Wind immer vo dene Blätter troffe worde isch...s hät super bequem usgseh hihihi

So unterschiedlich cha s empfinde für Summer si hihihi Barfuess und Panzerschueh :-)))))

Schöfliwolke und Märlistund und die schnusig Lila :-)

Es herbschtelet also jetzt würkli langsam und mir sind fliessig am Blätter zämmelese...d Bäum gsehnd super us mit dene goldige Blätter und wenn's nach Eus würd gah, chönnt's nach em Herbscht grad wieder Früehlig si :-)

D Susi verzellt am Mittwuch Namittag es Märli für d Chind und mir machet dänn ganz es kuschligs Näschtli für Eusi Chline Gäscht :-)

D Nati und de Adi sind dänn mit Eusem schnusige Badibaby de Lila verbicho und jöööö sie hät scho es Haarspängeli treit:-) Die 3 sind mit em Boot cho und d Lila isch scho en richtige Matros und das mit 4 Mönet :-))))

Am Abig hät's ganz viel Schöfliwolke geh, es hät super usgseh und die Schöfli sind über die ganz Badi galoppiert :-)

Raclette Abig i de Badi mmmhhhhhhhhhhhhh

<>

Mmmm mir händ so Gluscht uf es Raclette gha und händ grad Familie und es paar Fründe iglade zum Raclette Ässe i de Badi..mir händ dänn wiederemal alles umgstellt und d Lounge ganz füre ad Wiese gstellt :-) Das hät usgseh wie i de Ferie juhuuuuu

Mir händ dänn alli Tisch zämmegstellt und die schön mit orangem Papier deckt...mir händ 6 Racletteöfe brucht hihi grad echli e Useforderig gsi wege de Steckdose uiuiui...aber es hät super klappet :-)

D Martina hät us Solidarität zum Joel dänn grad na e Augechlappe montiert...es isch also es Pirateracletteässe gsi hihihi

Au Eusi Berglüt händ es schöns Plätzli verusse gha und sind nach em Ässe na gmüetlich mit es paar Gummischlange id Lounge ghöcklet :-)

Eusi Gäscht händ sich Pudelwohl gfühlt und es isch also sehr fein gsi mmmhhhhh