d MAN Investment händ s Alljährliche Charity Schwümme bi Eus duregfüehrt :-) Am Morge isch de Urs cho und hät mit sine Manne d Zelt ufgstellt. Und nach und nach sind alli Helfer cho, de Getränke Weibel hät Chüehlschränk und z trinke bracht, es Sportgschäft hät Neoprenazüg glieferet und am halbi 4i sind die tapfere Schwümmer los in Richtig Pfäffike. S Wasser isch knapp 20°C gsi und de schnellscht vo Ihne isch i 40 min. wieder in Freiebach gsi, wow!

Gspannt händ alli uf d Rückchehr vo de Schwümmer gwartet und dänn häts en feine heisse Bouillon geh mmmhhhh

Chappe montiere und los!!!!!

Es hät dänn au es Renne geh mit de Dragonboats, da isch öpper a dene Trummle gsässe und hät de Ruedertackt vorgeh :-)

Das hät super usgseh und d Ruederer händ sich mächtig is zügs gleit....

Wo dänn alli wieder troche und agleit gsi sind, hät's es feins Barbecue vo de Metzgerei Ruesterholz geh und das isch en richtig feine Schhmaus gsi...mir händ au dörfe probiere :-)

Uf dene riese Pfanne hät d Ruesterholzcrew die gluschtige Sache zauberet :-)

Es hät dänn e Asprach geh und s gsammleti Geld gaht as Jugendhilfswerk Höf und an es Chinderhilfswerk in Indie.
Leider isch es dänn so um die halbi 10i ume wieder ziemlich chüehl worde und so nach und nach händ sich die super Schwümmer uf de Heiweg gmacht.

So schön hät das Zelt usgseh :-)