Hopp Schwyz mit öppe 100 Gäscht

Bim letschte Match vo de Schwyz hämmer extrem viel Lüt gha wo verbicho sind und da Eusi Öffnigszite ja vo 10-19 sind, händ dänn die Buebe ab em 8ti de Pizzalieferant cho lah und sich gstärcht vor em Spiel:-) D Fan's sind i Schare cho und händ alles geh, aber leider hät au das nüt gnützt und Eusi Mannschaft hät müesse hei tztztztztzzzzzzzzzzzz

Apéro vom Ruederclub und Mojitoabig mmmhh

De Ruederclub hät en Früehapéro bi Eus gha...sie sind mit 2 Ruederboot verbicho und händ's eso richtig chöne gnüsse :-)




Am Mittag hämmer dänn müesse ufrüschte, well am Abig isch de Cédric cho und hät feini Mojitos gmacht mmmmhhhhh


De Julian hät dänn sini künstlerisch Adere walte lah und hät zeichnet..:-)

Und am Abig isch er de zuelieferer gsi und hät fliessig Pfeffermünz gerntet und Is verchlineret juhuuuuuuuuuuu

Alli mini Entli schwümmet uf em See :-)))

Endlich isch de Summer zrugg und wow Euse Rase und d Bäum wachset, mer cha grad zueluege:-) Au d Palme blüehet richtig uf und sind wunderschön.....

Am Mittag sind dänn alli Eusi Entli verbicho und sind tapfer is Wasser ghüpft hihihihi

D WM lauft wie verruckt und drum: Hopp Argentinaaaaaaaaaaaaaaaaaaaaaaaaaa

DI 22.06.10 bi 12°C brrrrrrrrrrr

Bbrrrrr die Schafschälti hät hüt o richtig zuegschlage und mir sind mit Daunejagge, Ofe und Wulledecki usgrüschtet gsi. De Schwümmclub isch dänn aber sogar is Wasser und bis nach Pfäffike und retour gschwumme....tztztztzzz die sind also gnadelos :-)

D Susi und ich händ Eus dänn i die warm Chuchi zruggzoge und händ det echli gjasset hihihi das isch also würkli luschtig gsi und mir händ scho glachet....

Wo dänn Eusi Schwümmer zruggcho sind, händ's grad müesse Chappe und Händsche alegge und de Ingo isch überhaupt nüme warm worde! De hät dänn müesse id Chuchi vor de Ofe sitze und hät erscht wieder chöne gah wo er halbwegs ufgwärmt gsi isch :-))))

Hopp Schwyz und Wulledeckene :-)

Bewaffnet mit Wulledeckene und em Öfeli hämmer natürlich bis jetzt alli Mätsch mitgfänet und mit es paar feine heisse Kafi Zwetschge isch au d Schafschälti a Eus verbizoge :-)

Am Namittag hämmer na Bsuech übercho vo de Familie Kunz, die 3 händ mit Eus au Fuessball glueget und die chli Lorena isch scho usgrüschtet mit eme Schwyzer- Nuschi juhuuuuuuuu

Fräse, Schmausis,Fuessball und s neue Zelt

De Fräse hät es Läufli mit de Schmausis gmacht und isch dänn bi Eus verbicho hihi er hät im Ernscht gmeint das es ganz allei es Schnitzelbrot cha schnappe tztztztz die 2 Meitli händ en schön beguened :-)

Mir händ zum Glück Euses neui Zelt übercho und händ dänn für d Fuessballfans ganz es gmüetlichs Neschtli baue...sogar es Öfeli hämmer abegnoh und viel warmi Deckene :-)

Apéro vo de Gmeind Freiebach :-) und e neui Friteuse juhuuuuuuuu

D Gmeind Freiebach hät en lässige Apéro bi Eus i de Badi plant... jede Mitarbeiter wo mit em Velo isch go schaffe hät chönne öppis feins cho go Ässe und Trinke. Und d Metzgerei Egli hät wieder es paar wunderschöni Häppli anezauberet :-) Leider isch es, wie chönnts au anderscht si, cho go stürme und regne grrrrrrrrrrrrrr

Defür isch denn Eusi neu Friteuse au grad cho und die isch de Hit, jetzt gits wieder die Allerifeinschte Sache zum Ässe und sobald de Summer chunnt ( viellicht au na das Jahr) chömmer loslegge tralalalaaaaaaaaaaaa

16. 06. 2010 Hopp Schwyz

Wow unglaublich aber wahr, d Schwyzer Nati hät doch tatsächlich Spanie mit 1:0 gschlage juhuuuuuuuuuuu mir händ e riese Stimmig gha i de Badi und Eusi Gäscht sind fascht usgflippt..Bravissimo Schwyz

:-)

wow es bizzeli Sunne :-)

Eusi 2 Baywatch Nixe sind die einzige paar Sunnestrahle go gnüsse wo's hüt geh hät :-))))

Und natürlich hämmer wieder alli Fuessballmätsch zeiget und es isch super lässig gsi juhuuuuuuuuuuu

Schafschälti brrrrrrrrrrrr

Heieiei es regnet wieder immer und isch brrrrrrrrrrr chalt! Das gits doch gar nöd..

















Uf jedefall isch d Liv super fliessig gsi und hät trotz em Rege alli Tisch putzt hihihi

Und zur Belohnig hät's es feins Vampirglace geh mmmmhhhhhhhhhhh

de Petrus muess entfüehrt werde!!!!

Unglaublich aber es hät scho wieder gregnet hmmm isch also scho langsam Zit das es emal es paar Tag schön bliebt! Ich denk mer jetzt en Entfüehrigsplan für de Petrus us :-)

Mir sind dänn uf die halbi 1 abe und s erscht wo mir gseh händ isch ganz viel Öl uf em Chuchibode uiuiui die Fritöse händ au kei Luscht meh gha und lut Servicefachstell isch das Teil scho 30 Jahr alt...Ja nu, mir meldet das am Mäntig grad und hoffet uf e neus Modell damit mir wieder chönd Pommes und feini Fischchnusperli mache :-)
Am Mittag hät's dänn na e Regatta uf em See gha und das hät super usgseh.




Mir händ dänn alli 3 Fuessballspiel übertreit und es hät tatsächlich immer es paar Lüt gha. Am Abig händ dänn de Dave und de Marco d Bar übernoh und d Susi hät feini Sandwitch und Hotdog paratgmacht mmmhhhhh


Wo ich hei bin han i im Rückspiegel en wunderschöne Sunneuntergang entdeckt....:-)

Scho wieder e Useforderig, jetzt langets!

Nachdem Euse Mororkärcher ja en Seilriss gha hät und de liebei Herr Nauer das wieder repariert hät, isch de tapferi Matros Julian in Richtig Floss gruederet. Allerdings isch die Aktion nöd würkli undereme guete Stern gstande hihihi z erscht hät d Nana de Julian genau im Aug gha! Sie wett ja schliesslich i aller Rueh bade.... und nachdem dänn de Matros das Floss endlich erreicht hät, isch em igfalle, das er d Zigi vergässe hät und so isch er wieder zruggcho. Dänn isch er wieder use und ups, de Kärcher hät kei Moscht meh gha. Also isch de herzigi Kapitän wieder zruggcho und hät de doofi Kärcher usglade und de Chübel und en Bese gholt und schwuppdiwupp händ die Floss gfunklet wie neu :-))))

Mir händ dänn vom Radio Zürisee na die lässige Schwümmreif übercho und ab sofort sind die bi Eus erhältlich... :-)

Am Abig isch dänn na en junge Ma verbicho wo so ziemlich vermalet worde isch vo Kollege und de Gueti hät grad en Srung in See mit em Handy gmacht :-) Mir händ dänn das Handy versuecht im Bachofe z rette tztztztztztzzzzzzzzzzzz

Sturm brrrrrrrrrrrrrr 11. 06. 2010

Uiuiuiuiiiii nach dem gfürchige Sturm hät grad müesse d Führwehr arucke :-) Die händ die abbrochene Äscht müesse abeneh....


Am Mittag nachdem na de Imker en Bieneschwarm hät müesse besänftige, isch e super Überraschig verbicho, nämlich de Christoph Euse Rettigsschwümmlehrer juhuuuuuuuu mir händ riesig dde Plausch gha und händ mit Ihm grad namal uf die bestandene Prüefige agstosse....

Am 16:00 händ dänn de Dave und de Marco d Lienwand starbereit gmacht, well am 4i isch Apfiff gsi vo de Fuessball WM 2010... Es sind viel Gäscht verbicho und händ bi Eus die 2 erschte Mätsch glueget.....

" FREEBEACH"

Wow am Mittwuch Morge hämmer ganz viel Ladies da gha wo Yoga gmacht händ und es hät so richtig schön usgseh :-)

Nacheme würklich Actionriche Tag sind dänn d Susi und ich nachli anegsesse und händ en neue Drink kreiert mmmhhhh er heisst Freebeach und isch en Hit

Eusi Schwanefamilie macht jede Morge en Badirundschwumm und strandet dänn uf em Sand bi de Yacht :-) Und wehe mer chunnt z nöch uiuiuiuiiiiiiiii

De Dave isch dänn wieder uf de Floss go ornig mache und hät es paar Fischzäh gfunde. Vermuetlich schnappet d Möve die Fisch und lönd dänn d Reschte uf de Floss ligge.....

Zum z Mittag hämmer dänn ganz liebi Gäscht us Lindau und em Allgäu übercho. De Teddy, d Rosemarie und de Joachim sind mit de Angela, de Resi und de Annelies agreist und sie händ richtig de Plausch gha a Eusere schöne Badi :-)

Grill adieu :-)

Nachdem mir alles starbereit gmacht händ für de wunderschöni Sunnetag, isch d Mary cho und hät grad z erscht Euse chranki Baum umarmt:-) Mir versuechet mit allne Mittel de z rette...

Da ja Euse Grill usgstiege isch, hämmer ganz es fein's Salatbuffet gmacht.... hmmm so wie ich das mitübercho han hät d Susi dänn allerdings jenschti Schnitzelbrot gmacht, die sind de Tagesrenner gsi und i de Chuchi isch e gschätzti Temperatur vo sicher 40°C gsi phuuuuuuu

Gott sei Dank hämmer 2 fliessigi, ufgstellti Manne da gha wo ghulfe händ wie verruckt. De Cédric und de Julian händ de Kiosk super im Griff gha und händ mit viel Charme Eusi Gäscht bedient.

Gege de Abig hämmer dänn alli emal chönne es Päusli mache und wo de Wind cho isch, hät' ganz viel wiesse Blüetestaub geh, es hät usgseh wie wenn's würd schneie tztztztztztz also das fehlt jetzt grad na :-) !!!!!!