Raclette- Ässe i de Badi mmmhhhhh

Am Samstig, 4. September ab em 18:00 Uhr machet mir es feins Raclette i de Badi und mit Sfr. 20 à Discretion bisch debi :-) Wenn Du/ Ihr au Luscht händ zum cho, dänn meldet Eu doch bitte bis am DO z Abig bi Eus a, damit mir de feini Chäs und s Zuebehör chönd go poschte...juhuuuuuuuuuuu mir freuet Eus uf Eu alli :-)

Sturm über de Badi tztztztztztzzzzzzzzzzzz

Spannende Bsuech und fliessigi Öschtichischi Biendli

Mir händ ganz en spannende Bsuech übercho und zwar d Gaby und de Anthony. Die 2 sind zu Eus cho go z Mittag esse und händ vo alte Zite gschwärmt :-) De Anthony isch nämlich emal de Susi Ihre Stift gsi bim Kuoni....

Am Mittag sind dänn de Max, d Helga und die 2 herzige Mädels wieder id Badi cho und die fliessige Biendli händ grad agfange Blätter zämmelese :-)

Wo dänn au de Sigi und s Gerli dezuecho sind, händ die 2 Manne Eusi Yacht gschnappet und sind mit de Lisa und de Mariella in richtig Floss gruederet:-) Sie händ dänn mit Schrubber und Chübel d Floss putzt :-)

Schändli, schaffe und pokere :-)

Jetzt wo mir wieder en Strand händ, chömed au eusi Schwändli wieder go Pause mache und sich putze :-) sie händ scho es paar wiessi Flumfedere übercho und ziemlich grossi Flosse :-))))

Es git bi Eus au Gäscht wo mit Laptop usgrüschtet chömed go schaffe und sich zwüschetdure mit eme feine Stuck Chueche und eme Kafi stärchert mmmhhhhh

Eusi Junge sind uf Pokerkurs und händ sich gegesietig über's Ohr ghaue hihihi

Neus Programm vo de Brigitta und Sportunterricht i de Badi :-)

D Brigitta wo ja jede DI Morge bi Eus i de Badi mit viel Erfolg Meditatione durefüehrt, bütet ab sofort neui Kürs a: Info's i de Badi Freiebach oder grad direkt bi de Brigitta.



Au D Schuele händ wieder agfange und de Herr Lehrer Hellenbach macht Schwümm, Lauf und Gschicklichkeitstraining. Wow für das Training uf de Wiese hät de Herr Hellebach so Bälle wo mer en Wasserballon chan inetue. Ud de einte Site isch dänn de Ballon und uf de andere a spitzigi Nadle uiuiui mer chan en dänn istelle, damit er irgendwenn öpper nasssprützt und rüehrt dänn de Balle vo eim zum andere, bis es platscht hihihi

24.08. d Lorena wird 17ni juhuuuuuuuuuu

Uiuiuiiiiiiiiii d Lorena hät geburtstag gha und mir händ Eus grad ad Vorbereitige gmacht...s hät nämlich ganz es feins fondue Chinoise geh i de Badi und d Susi hät wunderschöni Teller anezauberet :-)))))

D Manu hät dänn d Tafle beschriebe und die chli Häx hät sich grad defor i Pose gworfe hihihi

Es hät dänn natürlich viel Päckli und Überraschige geh und bimene feine Apéro händ sich scho alli uf's Esse gfreut mmmmhhhh

Gotti, Götti und juhuuuu au d Andrea, s Baby(isch na im Buch) und de Üse sind debi gsi :-)

Nachdem sich s Geburtstagsschmausi gstärcht hät, isch sie uf de Fräse los hihihi die 2 händ sich dur die ganz Badi gjagdt und sie hät em fascht de Chopf abgrisse :-)

Am Schluss hät's na e feini Glaceturte geh und alli händ Happy Birthday i allne Sprache gsunge tralalalalaaaaaaaaaaaaaaaa

De Julian und sini Überredigskünscht :-)

Euses "Chnusperli" de Julian isch Meischter i de Überredigskunscht, er isch de absoluti Gegner vom Flossputze und hät die coolschte Usrede warum das nöd funktioniert hihi z.B brucht er sicher 4 Espresso bis er losruederet, oder er wett mit de brennende Zigarette s Benzin nafülle, oder er muess na 2,3 Lieder lose wo Ihm super gfallet :-))) Mir müend immer lache wenn er sött go's floss putze :-)
Uf jedefall isch sin Fründ de Christian usgrechnet dänn id Badi cho, wo de Julian wiederemal hät sölle s Floss go kärchere. Die 4 Espresso, d Zigi und die 2,3 Lieder hät er scho hinder sich gha und hät dänn de Christian ganz schyheilig gfröget, öb er nöd Luscht hät mit Ihm uf s Floss z cho. De hät natürlich gseit er würd gern emal go zueluge wie das funktioniert hihihi das isch em dänn zum Verhängnis worde, well chum dusse, hät de Julian am Christian de Kärcher id Hand druckt und er hät alles selber müesse putze und Euses Chnusperli hät vom Boot us instruktione geh hahahaha das isch super luschtig gsi zum zueluege :-)
Und als I- Tüpfli hät dänn de Christian am Julian na de z' Mittag zahlt:-))))

de Bsuech us Öschtrich bringt de Summer zrug :-)

Am Sunntig isch endlich wiederemal de Summer zrugcho und es isch namal fascht 30°C worde. Eusi Badigäscht sind vo allne Site inegströhmt und händ de super Tag gnosse :-)

Am Namittag hämmer dänn Bsuech us Östrich übercho, nämlich de Onkel und d Tante vo de Susi mit de 2 herzige Enkelinne Lisa und Mariella...wow dänn isch es rund gloffe und mir händ de ganz Abig giggelet :-)

Die 2 Mädels händ dänn immer welle schaffe und z erscht isch es as Gummisäckli abpacke gange mmmhhh das isch mit Abstand de beschti Job i de Badi hihihi d Mary hät alli Säckli guet verschlosse und im Teamwork hät das wieder en rechte Berg Süesses geh, schleck :-)

Da die 2 na voller Energie gsi sind, händ's Eus die ganz Lounge versorgt und sind sogar na go d Wiese nach Güsel absueche. Mir händ ene gseit, das es zwüschetdure sogar Geld z finde git und schwupp's sind's los mit Händsche und Chübelsack...de Julian hät dänn ganz heimlich es paar Fränkli uf de Wiese versteckt, aber die 2 Ladies händ alles anderi gfunde nur das versteckte Geld nöd :-)

Am Abig händ dänn d Lisa und d Mariella grad na de Kiosk übernoh und riese de Plausch am Megafon gha...:-) Nummer 1000 abhole bitteeeeeeeeeeeeeeeeeee

Jasse zum 2 te und e Wydegustation :-)

Sodeli mir händ's also namal probiert mit Jasse heieieiei das isch wieder luschtig gsi...3 vo Eus händ's chönne und ich bin wieder wie en Esel am Berg gstande und ha versuecht das Durenand vo obe abe und une ufe in Ornig z bringe uiuiuiuiiiiiiiiiiiii
Allerdings han ich mich nur müesse bis am 3 durejasse und dänn isch tatsächlich de Herr Loosli mit Begleitig verbicho, well d' Susi nämlich en Wettbewerb gunne hät. Sie hät e Charte igschickt und e exclusivi Wydegustation gunne juhuuuuuu

Es hät würkli ganz feini Wy geh zum probiere und es isch wiederemal so richtig gmüetlich gsi bi Eus.

Bsuech vo de Frau Iseli, vo de Mary und em Duke:-)

Am Dunschtig, 19.08. isch d Frau Iseli verbicho und well's nani so warm gsi isch am 11i, hämmer z erscht en feine Milchkafi gschnappet und zwar bi Eusere beschte Bäckerei Stocker im Dorf mmmhhhh ...d Susi isch dänn a Eus verbigfahre und scho mal go vorbereite. Ich ha dänn grad chönne s Brot na bstelle und dänn sind d Frau Iseli und d Frau Pfund s Sunnebluemefeld go unsicher mache hihihi

Au d Mary hät na en Spaziergang mit em Duke gmacht und endlich wiederemal chönne d Sunne gnüsse...

Mir sind i de Oberseenachrichte juhuuuuuuuuuuuu

Per Zuefall isch de Toby, en Redaktor vo de Oberseenachrichte uf Euses Tagebuech ( Blogg) gstosse und hät Eusi Idee super gfunde. Er hät sich bi Eus gmeldet und es super Interview gmacht...hihi jetzt simmer doch tatsächlich scho wieder i de Zitig :-))))

Laub und wetterfeschti Yoga-Ladies

Ups, wo mir am Mittwuch Morge id Badi cho sind, hät de Wind tatsächlich scho es paar Blätter abezwickt! hmmm das heisst, de nächschti Bese isch agseit zum die Herbschtbote z entsorge :-)
D Susi hät sich sofort ad vernichtig vo dene i allne Farbe lüchtende Blätter gmacht.....


Am 9ni sind dänn würkli es paar Ladies cho wo die spannend Yogastund mit em Joshua händ welle mache und alli händ dem gfürchige Wetter trotzt und ganz vorne am See fliessig de Sunnegruess güebt. Jetzt hoffet mer emal das nützt, de Rege macht Eus langsam verruckt :-)

Rege, Rege, Rege tztztzt und Palme ab :-)

Eusi alli Gwürzpflanze sind schön verstaut i de Chuchi und au für die wird's Zit das d Sunne fürechunt....

"Häxehüsli" :-)

Well's eso grusigs Wetter gsi isch, bin ich schwupps ab zu de Martina, well die cheibe Haar so gnervt händ...juhuuuuuu sie hät grad churze Prozess gmacht mit minere Haarpalme :-)

Eigentlich sött ja uf das Wuchenend de Summer zruggcho mit fascht 30°C, aber Eusi Bäum händ glaub meh als gnueg Wasser übercho und verlühret scho d Blätter...phuuuu das git sicher wieder viel z wüsche! Harry Potter, sofort ab id Badi hihihi

Vögel und Kanufahrer

Leider sind Temparature so richtig in Cheller grutscht und überlall git's Wasserschäde nur in Russland nöd, die verchochet det äne und müend Literwies Vodka trinke :-)
Trotz schlechtem Wetter hämmer Bsuech übercho vo 2 Kanufahrer, wo vo de andere Seesite eifach emal losgfahre sind und bi Eus en Kaffi und echli Schoggi gschnappet händ:-)


Defür händ Eusi Vögel riesig de Plausch a dem Wetter und schwebet im Wind umenand und kreischet i allne Tonlage :-) Jetzt händ's au beidi Floss ganz für sich allei und das gfallt dene wie verruckt....