s Wetter macht was es will :-)

Am Mittwuch Morge isch endlich wiederemal d Sunne da gsi und mir händ Bsuech vo s Fidanberger's übercho. D Liv hät ganz es lässigs Velo und cha scho super guet fahre :-)

Eusi Möve, Ente und Kormoran händ sich uf em Floss ignischtet und händ e Konferenz gmacht....

S Wasser isch immer na 23°C und isch extrem suber, mer gseh bis uf de Bode abe und d Farb isch efach en Hit :-)

Am Mittag hät's dänn wieder agfange regne und es isch so richtig luschtig gsi...z erscht isch de Erich und d Marcelle cho, dänn de Küde und sin Sohn, dänn de Papi und de Mäse, d Kathrin und de Pascal händ de Mäse gsuecht und sind au bliebe, d Margrith hät welle de Michi und d Jungmannschaft abhole und die sind alli au grad bliebe, d Brigitte hät welle Meditiere i aller Rueh und isch au grad i die Bandi grate und dänn isch au na Karin verbicho und hät en Kafi gschnappet :-)))) heieiei das isch würkli luschtig gsi....

tote Fisch und Putztag grrrrrrrrrrrrr

Uiuiuiui jetzt isch mer grad na öppis in Sinn cho, isch doch tatsächlich die letscht Wuche en Gascht zu Eus cho und hät Eus mitteilt, dass en tote Fisch im Wasser isch und öb mir nöd so guet wärret und de würdet hole:-))))Ich bin natürlich grad es Netz go sueche und ha scho Hüehnerhut gha befor ich de Fisch gseh han hihihi, aber d Jaqueline hät nöd lang gmacht und mir 2 Tapfere sind an See und schwupps isch de armi Fisch im Netz und im Chübelsack gsi..brrrrr

So nach 3 Wuche dureschaffe, häts recht abküehlet und mir händ e Pause juhuuuuuu
Allerdings häts en hufe z tue geh dehei mit Fenster putze, Vorhäng wäsche und am Bode umechrüche hihi uf jedefall gseht's jetzt wieder super us und ich freu mich uf es fein's Glas Rotwy und öppis z habere mmmhhhhhhhhhhh

Batmobil und tapferi Entli

Gestert ca am 5i isch es namal so richtig cho go winde und plötzllich hät abegschüttet wie us Chübel...die tapferschte sind Eusi Entli gsi, wo ohni umeluege d Wiese nach Guti's abgsuecht händ :-)

Leider hät's au es Opfer geh, Euses Zelt isch total ibroche und gseht jetzt us wie es Batmobil hihihi

Sturm, Blitz, Dunner und Regeboge

Heieiei da hät sich en richtig schöne wilde Sturm akündiget und d Sunne hät am Mittag abebrennt wie verruckt...aber dänn isch es losgange und es isch immer dunkler worde.
D Ufenau isch ganz hell belüchtet gsi und in Richtig Pfäffike hät's en wunderschöne Regeboge geh....

Mir händ tapfer abgwartet und das Spektakel beobachtet, wow es hät super usgseh und wie uf en Chnopfdruck hät's gregnet und gstürm und d Welle im See händ usgseh wie im Meer juhuuuuuuuuuuuu

Wienerliiiiiiiiiiiiii juhu

Jöööö am Morge sind wiederemal Eusi Schwändlli verbicho und wow die sind scho richtig gwachse und gsehnd us wie graui Wullechnäuel :-)




Mir händ en Gasch wo selber diversi Fahrbari Grät zämmebauet und tatsächlich mit dene cha fahre...das isch immer super spannend und er wird sicher emal recht Erfolg ha mit somene Grät....







De Fräse und de Päts händ dänn e Notfalltour is Seedi müesse mache, Eus sind alli Wienerli usgange und die 2 händ grad de Coop und de Migros usgrumet juhuuuuuuuuuu

Am Abig hät's dänn es erscht's Gwitter geh und mer hät grad chönne zueluege wie sich das ufbauet hät...

Ernährigsberatig und Eusi Jasstruppe :-)))))

Am letschte Fritig hät d Brigitte en schöne Tisch ufgstellt und d Lüt mit Ihrem grosse Wüsse über Ernährigsberatig informiert. Eusi Badigäscht händ de Plausch gha und händ sich dänn uf's Salatbuffet gstürzt :-)

Am Mittag isch es dänn wieder sicher 32°C worde und Eusi 2 Kioskcheffe händ sich mit Chartespiele vergnüegt....

Am Abig isch dänn Eusi Jungmannschaft cho und so wie ich verstande han, gits en Jass wo Arschlöchle heisst brrrrrrrrrrrrrr.. :-) Uf jedefall händ's wie verruckt gigelet.
D Manu und de Päts sind es Team gsi und händ sich immer wieder müesse abspreche, wie's die andere inelegget hihihi

Gfrührer Desaster grrrrrrrrrrrrr

Wo's emal nöd ganz so schön Wetter gsi isch, hämmer welle d Glacemaschine abtaue. Mir händ dänn welle alles in grosse Gfrührer packe und händ mit Schrecke festgstellt, dass de usgstiege isch uiuiuiiiiiiiiiiii Mir händ dänn alli Sache sofort is Auto glade und zum Michi Stocker bracht, er hät Eus Gführrum zur Verfüegig gstellt.....en Teil hämmer i die chline Gfrührer paackt und so au alli Glace, das isch es schöns Chaos gsi :-)

De Turi de Schwümmreif und neui Tafle tralalaaaaaa

Juhuuuuuuuuuu de Turi und sini Frau sind uf Bsuech cho und die wohnet normalerwies i de Karibik juhuuuuuuuuuuuu







Mir händ super lässigi Schwümmring übercho und chönne verchaufe.. d Moni höt Ihre wunderschön bemahlt:-)




Und d Manu, Eusi Künstlerin hät d Tafle neu bemalt...sie isch würkli es super Talent...

De Turi und de Schwümmring und neui Tafleee tralala

Ozontour und Wiehnachtsesse mmmhhhhhh

Bi fascht 32°C sind hüt 2 Ladies vo de Ozontour verbicho. Sie händ es super Zelt ufgstellt und alli Frage mit viel Geduld und Fachkenntnis beantwortet :-)

Es hät ganz viel Badigäscht gha und alli händ die schön Sunne so richtig chönne gnüsse....

Am Abig hämmer dänn na s Wiehnachtsesse vo de Gabriela gha und mir händ natürlich wie sich das ghört en Christbaum gschmückt und d Manu hät Eusi Tafle bemalt und de Ipot mit Jingle Bells glade juhuuuuuu :-)))))))

Tafle beschriftete und Kärcherproblem

Uiuiuiiiiiiiiiii hüt am Morge häts wiederemal gregnet und Eusi Alleriliebschte händ de Rase na gsprenklet :-) Am 9ni sind dänn na d Turnerfraue cho und händ feini Gipfeli, Prosecco und Kafi gschnappet mmmhhhhhhhhh

Eusi Künstlerin, d Manu hät dänn d Tafle neu beschriftet und wow sie cha super zeichne....

Dänn isch de Kampf mit em Kärcher wieder losgange und de Cheib will eifach nöd wie mir wänd hihihi Ja nu, de Herr Nauer holt en morn und dänn lueget mer emal wie's usgseht:-)

De Kapitän Dave isch dänn mit de Nixe Manu und 2 Matrose mit de Schrubber go's Floss putze juhuuuuuuu

Am Abig isch wieder e traumafti Stimmig gsi und es hät na viel Gäscht geh wo gmüetlich verbicho sind zum öppis trinke

Blüemli und Grümpel

Am Morge bin i na go Blüemli hole und wow die lüchtet uf dene schwarze Tisch wie verruckt :-)
s Wetter isch echli unbeständig gsi, vor allem am Morge. Aber ab em 11i sind wieder ganz viel sunnehungrigi Lüt vo überall cho und mir händ kochet und fritiert wie verruckt :-)
Natürlich git das au viel Abfall und mir händ en riese Verschleiss vo Chübelsäck uiuiuiui

Dütschland gege Argentinie und en Sturm isch ufcho :-)

Eusi 2 super fliessige Kioskmanne händ nur na gstuned wo die viele Badigäscht cho sind und händ sich zwüschetdure im Cocichüelschrank abküehlet:-)))) Sie händ mit viel Charme alli verwöhnt juhuuuuuuuuuu

Uiuiuiiiiii und dänn isch de Match Dütschland- Argentinie cho und neiiiiiiiiiiiiiiiiiiiiiiiii Argentinie hät voll verlore, so en Seich! Jetzt lueg ich also kei Fuessball meh!

Gege Endi vo dem trurige Fuessbalspiel hät's immer meh Wolke geh und vo Züri her isch en richtige Sturm ufcho. Eusi Gäscht händ schnell alles zämmepackt und mit händ d Lienwänd wüesse abeneh well suscht alles devogfloge wär! Allerdings sind d Susi und ich gar nöd so unglücklich gsi, well mir sind tatsächlich anstatt am 11i wiederemal am 9ni dehei gsi :-)))))