letschti Vorbereitige

Gestert simmer na die letschte paar Sache go hole und händ grad na für Euse Torboge schöni Blüemli gfunde, wo sich dänn mit de Zit rund um de Boge schlänglet :-)

Au Euse Töggelichaschte isch glieferet worde und mir händ alli Glüehbire ersetzt und verschiedeni Belüchtige gholt.......

Gege de Abig hät dänn de See so richtigi Welle gmacht und es hät gwindet wie verruckt... Isch e super Stimmig gsi uf em See...allerdings wünschet mer Eus natürlich so schnell wie möglich wieder schöns Wetter juhuuuuuuuuuuu

die erschte Menue's sind gmacht :-)

Gestert am Morge hämmer Eus ufteilt, ich bin na go verschiedeni Sache poschte und d Susi hät agfange Salat rüschte. Mir händ scho Ameldige gha für's Mittagesse mmmhhh fein.

Ca. am 10ni bin i dänn wieder zrugg gsi und dänn han i grad alli Schirm i position bracht, es sind 25° agseit worde. De Sandchaschte hät au en grosse Schirm und chum isch de offe gsi häts scho es paar chlini Badegäscht geh:-)

Mir händ dänn tatsächlich scho es paar gmischti Salat, Hot Paninis, Schnitzelbrot und Chicken Nuggets chöne parat mache und es isch super spannend gsi mit all den Grät z schaffe....

Am Mittag isch dänn Euse Grill wieder zruggcho und mit em Grill au de Senior und Junior Bürgi.

Die 2 Herre händ Eus alles ganz gnau erchlärt und händ viel feini Sache zauberet wie Bratwürscht, Hamburger, Steak und Schnitzel...mir händ sicher 1/2 Stund alles dörfe probiere und au Eusi Badigäscht sind in Gnuss cho :-)

S Mami und de Papeli sind grad rechtzitig uf es Bsüechli verbicho wo d Herre Bürgi die feine Grillsache presentiert händ.....

Und mir händ au wieder Bsuech vom See übercho und dene 2,3 hät's bi Eus au super gfalle :-)

Mir bruchet en Laschtwage

Mir bruchet definitiv en Laschtwage uiuiuiiiiiii mir händ de halb Prodega ikauft und Euses Auto isch fascht hineabekippt :-) Aber jetzt simmer also startbereit und voll motiviert zum afange choche juhuuuuuuuuuu

Mit händ dänn grad s Sunneschirm montiert, es sind ja 25° agseit gsi und es hät tatsächlich ganz viel Badigäscht geh, wo es Glace gschnappet händ oder sogar en Zehe in See gsteckt händ.

De Roger hät sogar chöne echli sünnele bi Eus und isch tapfer mit Eusem Thermometer in See zum luege wie d Wassertemperatur isch :-)

Mir händ sogar ganz schöni chlini Vase gfunde und well ich wiederemal am Bahnübergang stecke bliebe bin, han i grad na es paar Tulpe mit gno und wow, es gseht sooooooo schön us....

Gege de Abig händ dänn Eusi Friteuse grad na en Isatz gha und es hät feini Fischchnusperli, Chicken Nuggets, Schnitzelbrot und Pommes geh mmmmhhhhhhhh

Und nach em grosse Asturm hät na de Zivilschutz ineglueget und die Shirts passet perfekt zu Eusne Sunneschirm tralalalala

Badiwetter

Hüt isch es wieder en super Tag gsi, mir händ na die letschte Lieferige übercho und alles scho versorget und igrumet:-)

Dänn hämmer d rettigsring ad Bäum bunde und händ natürlich typisch "Meitli" es schöns Mäscheli gmacht hihihi

Au hämmer na e Tafle montiert wo zeigt wie tüf's det isch wo mer cha ine zum go schwümme....

Es hät dänn en Hufe liebe Bsuech geh und plötzlich han i 3 Mädels uf em Loungesofa gha juhuuuuuuuuuu

Mir händ dänn Euse neui Paninigrill usprobiert und wow die Abigsstimmig isch de Hit gsi und Eusi Bäum werdet immer grüener :-)

Kafi und Chueche

Wo ich gestert ufgstande bi, hät d Sunne scho so richtig ineglüchtet und ich ha sofort mini 7e Sache packt und bi ab id Badi:-)
De erschti Handgriff gilt immer de Kafimaschine, das isch s wichtigschte..

Dänn han i d Lounge igrichtet und wo i grad han welle d Tisch putze isch d Lorena cho und häd mir gholfe juhuuuu
Mir händ dänn schön Zit gha zum echli d Badi und d Sunne gnüsse und wow es isch es absoluts Paradies

D Susi hät na en super Zitronecake mitbracht und dänn isch es losgange, d Lüt sind vo überall cho und es paar sind sogar go schwümme brrrrrrrrr de See isch 11° gsi uiuiui

Mir händ dänn Bsuech vo de Karin und de Manuela übercho und d Manuela hät grad welle afange schaffe :-) Sie wird Eusi guet Fee und hilft Eus mit em Kiosk tralalala....und sie hät geniali Fingernägel gha, wow das hät grad echli glitzeret:-)

Mir händ dänn de ganzi Zitronecake, Kafi, Bierli und Glace chöne verchaufe und dänn sind de Päts und sini Kollege cho und händ s Volleyball ufgstellt. Wo's dänn so richtig warm worde isch, hät die Bandi e Pause gmacht und d Lounge ignoh :-)

Dänn isch de Roger mit de beschte Überraschig cho, er hät Eus en Ipot mitbracht mit ca.60 Album druf, alles gmischti Musik genau s richtige für d Saison...mir händ grad de Bob Marley laufe lah und fliessig mitgsunge :-))))

Also jetzt wo mir Musik händ bin ich fascht wunschlos glücklich, jetzt fehlt mir nur na s Ässe...aber das chunnt ja die Wuche mmmhhhhhhh

Mir sind dänn bis am 8ti mit em T-Shirt verusse gsässe und händ na es Cüpli gschnappet befor mir heiwärts sind. Ich han na welle mit em Päts e Rundi mit em Auto drehe und wow, er fahrt würkli super guet...mir sind dänn über Pfäffike nach Feusisberg, alles chlini Landsträssli und dänn über Wollerau wieder abe und in Freiebach isch Eus na en Kolleg vom Päts nagfahre und er chan Eus au helfe d Alag bim Pätsauto ineztue..dänn hät er au Musik juhuuuuuuuuuuuuu

Rettigsschwümmer und CPR und Party

Juhuuuuuuuuuuu mir händ s Rettigsschwümmbrevet gschafft tralalalalaaaa und händ sogar mit Null Fehler au na s CPR gmacht :-) Mir sind also würkli Helde :-)

Mir sind dänn nach de Prüefig mit Eusne Mitschwümmer go en Kafi schnappe und händ dänn dehei na Rase gmäht, de Garte in Schuss bracht, poschtet und schwupps hämmer Eus scho wieder müesse parat mache, well D Susi hät es 50ger Fescht gha und mir es 40ger und alli hämmer müesse verchleidet si uiuiuiiiiiiiiiiiiiii

Lounge, Pavillion und Hängematte

Es wird immer schöner bi Eus und gestert am Morge isch na d Lounge glieferet worde:-) Mir händ dänn aber na 2-3 anderi Sache müesse mache befor mer die händ chöne uspacke..

D Susi hät na ganz en feine z Mittag gmacht, Rahmschnitzel und Pommesfrites i Eusere Badifriteuse mmmhhhh die Pommesfrites sind super fein gsi...

Am 2 isch dänn s Multitalent de Hampi cho und mir händ mit Hilf vo Ihm, am Fräse, am Päts am Peter und am Sigi de Pavillion ufgstellt.

Gseht doch super us und mir händ es gmüetlichs Plätzli under em Baum gmacht :-)

D Hängematte hämmer dänn zum usruebe natürlich sofort um d Bäum gspannt und händ grad es Testschaukle veralasst:-)

Dänn isch es ad Lounge gange und de Päts hät emal alles uspackt :-) Das wird en super chillige Egge, es gseht also super us und hey die Polschter sind mega bequem jupiiiiiiiiiiiii

Was für en Traumtag :-)

Mir sind am 8ti am Morge losgfahre und zwar Richtig March :-) Wow de Hornbach isch imfall de Hit, die händ jetzt würkli alles und sind mega fründlich, mir händ es paar schöni Pflanze gholt und natürlich en Rosmarinstruch..

Dänn simmer Schnurstracks in Otto's und vo det grad über de Damm in CC....Phu und det simmer dänn vor em Fritieröl gstande ojemineeeee, det git's sicher 10 Sorte hmmm mir händ kei Ahnig gha was neh und plötzlich isch de Geni de Retter dagstande wie bstellt juhuuuuuuuuu...er hät Eus grad wietergholfe und schwupps hämmer die Fritieröl uf em Wage gha mmmhhh :-) Am Geni sis Mameli s' Vreni wirtet ebe i de Sihlegg und sie macht mega feini Sache, schleck :-)

Wieder über de Damm simmer is Seedi und dänn in Bau und Hobby na go d Hängematte poschte, mir müend ja zwüschetdure au emal usrube hihihi

I de Badi acho hämmer grad alles usglade und händ grad de Bachofe mit 2 feine Thonpizzas teschtet. Es isch soooooooo friedlich gsi und mir händ i aller Rueh chöne z Mittag esse :-) Wo mir fertig gsi sind isch plötzlich es Boot anegfahre und mir händ Bsuech vom Küde und em Reini übercho..Sie händ dänn mit Eus en Kafi gschnappet und scho i de nächschti Bsuecher mit eme Boot cho, nämlich de Michi Stocker :-) Mir händ Ihm grad dörfe Bstellig mitgeh für die feine Brot wo er bachet.

Die erschte 2 Bootsmanne händ dänn wieder müesse in See steche und chömed sicher wiederemal go inegüxle :-)

Dänn isch es wieder losgange mit kärchere und putze und d Karin hät Eus gholfe d Garderobe blitzblank usezrume...

Mir händ dänn chöne d Glacebox usestelle und es paar Gäscht händ scho riesig de Plausch dra gha.

Rasemähe :-)

Ich bin am Punkt 9ni im Seedi gstande well ich immer na uf de Suech nach passende Früschhaltebütel für d Süessigkeite gsi bin...Jetzt häts klappet ich han gfunde und d Schleckereie chönd ipackt werde mmmhhhhhhhh

Langsam aber sicher nimmt Eusi Badi Gstallt a...mir händ hüt grad na de Tischtennis Platz samt Tisch kärcheret und hey das gseht wieder us wie neu juhuuuu

Während dem mir so schön am putze gsi sind händ Eusi Alleriliebste Gmeindsarbeiter de Rase gmäht mit MINERE Maschine!!!! Ha leider nöd dörfe drufsitze, aber de Rase isch wunderschön worde :-)

Es hät so fein nach Summer gschmöckt mit dem gmähte Rase und em See, da hämmer grad alli Tisch und Stüehl putzt und usegstellt...

Voller Freud hämmer dänn d Glacetrue gfüllt und mir händ die feinschte vo allne Glace wo's git bstellt :-) Nur blöd das det wo mer mit dere müend usefahre esone doofi Schwelle isch, das heisst, mir händ die True gar nöd chöne usestelle hihihi

Da ich aber na ha müesse mis Auto go Vorfüehre und de Expert det nach mine vielne Frage sicher au emal id Badi chunnt, bin i grad zum Bruno id Gwatt und ha na d Glacekarton entsorgt. Ich han en dänn grad gfröget öb er e Metallplatte vorig hät und z' zweite hämmer dänn e Aluplatte entdeckt und die han i grad mitgnoh wieder id Badi....Jetzt simmer grettet, well die chömmer nämlich über die Schwelle legge und dänn d Glacetrue drüberrolle tralalalalaaaaaaaaa

Die Alleriliebste Gmeindsmanne händ dänn i de Zwüschetzit na Euse Steg gflickt und jetzt chönnd au die wo es Boot händ bi Eus cho go ichere :-)

Glace Ahoi

Am halbi 10ni hämmer wieder losgleit i de Badi. D Susi hät de Gfrührrum startbereit gmacht, well sich de Frisco agmeldet hät..juhu Eusi Glace sind im Aflug :-)

Ich ha mich wieder ad Wasserschlacht gmacht und alles durekärcheret, wow das isch grad echli dreckig gsi, ha sogar chöne Buechstabe drikärchere :-)

Vor luter Kärcherkrach und umesprütze han i dänn fascht de Frisco überhört uiuiui er hät super feini Glace bracht und mir händ's grad verstaut, mmmhhhhhh

Zwüschetdure hämmer immer wieder echli Bsuech übercho. D Martina hät es churzes Mittagspäusli gmacht, d'Gabriela hät inegüxlet, dänn sind s Generals verbicho und händ en Espresso gschnappet, dänn sind es paar Herre vo de Gmeind cho, die söttet nämlich na de Steg flicke, s Leni und de Simon händ es Bsüechli gmacht, d Manne vo de Spinnebehandlig händ alles igsprützt und 2,3 Spaziergänger sind Eus cho go Glückwünsche für e spannendi Saison :-)

Am 5i hämmer dänn alles sowiet erlediget und sind dänn tatsächlich tapfer na is Hallebad go schwümme..brrrr mir werdet na richtigi Sportskanone.

Kärcher zum zweite :-)

Gestert am Morge häts so usgseh wie wenn's wieder würd cho go schneie brrrr, aber Gott sei Dank hät d Sunne dänn nach em Mittag duredruckt und mir händ sogar chöne de Kärcher us de Reparatur hole....hmmm und de hät doch tatsächlich immer nani funktioniert!

I de Zwüschetzit hät d Susi de Grill in Agriff gnoh..de hät de Winter au nöd überlebt und die ganz ober Schicht hät sich abglöst. Jetzt muess öpper verbicho und luege öb mer na cha öppis rette:-)

Mir händ dänn Bsuech übercho vo Eusne Gmeindshelfer in Orange und juhuuuu die händ de Kärcher startklar gmacht. Ich ha grad chöne afange und ha usgseh wie es Rosarots, s hät uf all Site gsprützt hihihi

De Fräse isch au schnell verbicho und hät scho mal güebt d Rettigsboje z hebe wie in Baywatch, jetzt probieret mer das dänn namal i Badhose :-))))))

Dänn simmer mit Sack und Pack, das heisst Badsache, Flosse, Üebigsgsicht, Chleider zum schwümme und Badtüecher, ab is Hallebad und det im Restaurant hämmer namal 1 Stund Theorie gha. Das isch würkli sehr spannend gsi und d Susi und ich händ sogar chöne s Defribilationsgrät vo de Badi mitbringe und d Karin hät Eus das erchlärt. Aschlüssend hämmer d CPR Prüefig gha, das heisst mir händ müesse während 6 Min. d Puppe beatme und Herzmassage mache. Juhuuuuuuuuu mir händ alli bestande und alli Puppe händ überlebt tralalala

Freiiiii

Am Samstig hämmer emal en ganze Tag frei gha tztztztz isch ganz komisch gsi :-)Aber defür isch jetzt dehei wieder alles ufgrumet, de Garte isch startbereit und ich ha sogar Zit gha zum game juhuuuuuuuu... für die wo's nani wüsset, ich liebe mini PS3 und mit dere chan ich so richtig abschalte. Vor allem wenn's Rätsel z löse git wie in Tomb Raider oder Heavy Rain isch grandios gsi :-)

Chum bin i wach gsi am SO han i grad en Chueche bache, i de Betty Bossi Zitig hät's neui Cakerezept gha mmmmhhh fein :-) Leider hät de Wetterfrosch nöd ganz recht gha und es isch ziemlich chüehl gsi i de Badi, drum simmer dänn hei go s CPR lerne :-)

Mit echli Glück isch ja hüt Euse Kärcher gflickt und dänn chömmer loslegge und e Wasserschlacht mache :-)

Poschte :-)

Am halbi 9i isch es losgange mit de Poschtimission, mir händ na viel Sache wo fehlet und drum simmer emal echli go luege...Mir sind ganz fründlich ufgnoh worde im CC und hät det au Gläser u.s.w gfunde...Natürlich händ mir, typisch Ladies, fascht 2 Stund det ine verbracht :-)

Isch ja au es Paradies für öpper wo so gern isst wie d Susi und ich hihihi

Am Mittag simmer dänn na Richtig Kilchberg und händ det au na 2,3 Sache gholt...und aschlüssend ganz tapfer wieder uf Wädi go schwümme..es hät ziemlich viel Lüt gha und s Babyschwümme isch au na gsi..sind ja super schnusig die chline Fischli :-)

Sodeli:-)

Jetzt simmer also 2 Tag am umesause gsi, es git na viel z organisiere und sogar go schwümme simmer..also das isch ja wieder öppis gsi hihi de Badmeister hät Eus en Gummiring grüehrt, genau det wo's am tüfste isch grrrrrrrrrrr..er hät Eus dänn so lang guet zuegret und Tips geh, bis mer d Ring ufegholt händ! Ich bin mir vor cho wie mini 2 Hündli wo de Balle müend hole :-)

Da ja Euse Kärcher immer na i de Reparatur isch, d Susi gschaffet hät und's sowiso wüescht gsi isch, bin i dänn uf de Gmeind öppis go hole und hey ! unglaublich, det hät's gschmöckt wie im Hallebad..ha glaubs es Trauma hihihi

Dänn bin i go feins Spiessalz hole, s Postfach leere und go de Grill organisiere mmmhhh das wird sicher wieder en feine Schmaus und mir freuet Eus scho riesig :-)

Ich han dänn s Regewetter grad na usgnützt zum dehei alles uf Vordermann bringe, das heisst ufrume, putze und wäsche tztztztztz...

Schnappszahl Geburtstag :-)

Heieiei, das isch en super Geburtstag gsi, han am Morge dörfe mit de Susi in Holzofe go z Mörgele und ha scho s erschti Geburtstagsständli i de Garage übercho hihi das hät super tönt det une:-) und jetzt han i au endlich en Schnarchhammer und ich denke emal es wüsset alli für wer ich de chan isetze hihihi. Wo ich heicho bin, isch de Fräse scho am dekoriere gsi und hät mich grad wieder gschickt go Baguette hole, er hät nämlich en Apéroessplan ufgstellt :-)

Am Mittag hät ja de Wetterfrosch gseit es wird ganz schlecht Wetter, aber das hät ja wiederemal gar nöd zuetroffe und drum simmer i de Badi go Gläser und s Gschirr wäsche, jetzt isch alles Blitzblank suber und d Chuchi nimmt richtig Form a. Wells so schön warm worde isch, simmer dänn echli use gsesse und händ en Kaffi gschnappet..es isch sooooooo schön gsi, mir händ's richtig chöne gnüsse:-) Mir händ dänn ganz feini Erdbeertürtli vom Peter übercho und es paar Schoggiglückschäferli mmmhhhh.....

Wärend dem ich sms und fb Glückwünsch beantwortet han, hät de Fräse super feini Brötli gmacht und dänn isch min Schmausi heicho und hät Eus bi de Vorbereitige ghulfe und ich han en schlecht Wetter Kinoguetschy und feini pinkigi M&M's übercho :-) x x x x x Am 6i sind scho mini Eltere verbicho mit ere super Überraschig, ich dörf nämlich irgenwenn im Herbscht mit em Mameli nach MALTAAAAAAAAAAAA jipiiiiiiiiiiiii Spagetthi Ahoi :-)

Mir händ dänn mit Prosecco agstosse und dänn isch d Jeannette( mini Häx) und de Kenny itrudlet, de Roger hät inegüxlet und mini chli Prinzessin, d Liv isch mit Ihrne Eltere verbicho :-)Sie hät dänn sofort welle helfe Gschänkli uspacke, sie hät nämlich mit es bizzeli Hilf öppis unglaublichs baschtlet..es Bild mit eme wunderschöne Rahme und mit mir als Meerjungfrau :-)

Wahnsinn, ich bin immer na am stune...und ich weiss au immer nani wo d Meli die Zit gfunde hät zum die Wunderschön Arzttäsche izlisme mit eme Chrüz, ich hät sicher 1000 Jahr für so öppis!

wow namal danke viiiiieeeellll viel mal für de schöni Geburtstag und die tolle Gschänkli:-)