Wow, gestert isch de Bricht über Eus im Höfner gsi und de hät grad echli Welle gschlage :-)
Mir händ riesig de Plausch a dene vielne Reaktione gha und danket au uf dem Weg de Claudia namal vielmal für Ihre Isatz.
Am Abig dänn simmer uf Richterswil an CPR Kurs. Das isch super spannend gsi und d Karin hät Eus alles genau erchlärt. Mir händ dörfe Puppe beatme und Herzmassage üebe. Au hämmer wieder d Sitelage ufgfrischt und en hufe Theorie ghört.
Am Schluss hämmer na mit eme Glas Prosecco uf d Susi agstosse, well sie am Mäntig scho 5m wieter hät chönne tauche juhuuuuuuuuuuu
Jetzt gahts as lerne und zu dem Zweck hämmer es Gsicht chöne mit Hei neh und mir händ au es Theoriebuech übercho. Hmmm ich mag mich na as Nothelfer Schema GABY erinnere, aber das heisst jetzt: ABCD, Airway, Breathing, Circulation, Defibrillation.
Uf jedefall git's na recht viel z lerne und so wie's usgseht, git's für d Susi, de Fräse und mich ziemlich nassi Ostere :-) Allerdings schwümmet mer alli irgendwo anderst, d Susi gaht über d Ostere go Wellnesse und wird det vo Ihrere persönliche Fitnesstrainerin atriebe und de Fräse und ich gönd wieder nach Wädi go d Befreiigsgriff lerne, juhuuuuuuuuuuuuuuuu
Keine Kommentare:
Kommentar veröffentlichen