Traumtag

Hüt isch es en wunderschöne Tag gsi und mir händ en super usgnützt. am Morge simmer in Do it go Holzlasur und Schliefpapier poschte, mir händ nämlich en Holzbank entdeckt wo würkli schlimm usgseht.

I de Badi simmer dänn grad as schliefe gange und händ de Tisch so richtig bearbeitet :-)

Dänn hämmer en gstriche und hey! er gseht wieder us wie neu juhuuuu

Nach dere Meisterleischtig hämmer Hunger gha wie Bäre und händ grad am Pizzakurier aglütet mmmhh so fein, de erschti z Mittag i de Badi und es isch himmlisch warm gsi...

Eigentlich hättet mer gern agfange kärchere, aber de Cheib hät gstreikt! Defür hämmer Bsuech übercho vo de Susi Ihrne Eltere und de Bandi und die händ sich's so richtig schön bequem gmacht........

Da mir ja sozäge arbetslos gsi sind, isch d Susi uf d Idee cho mir endlich jasse bizbringe uiuiuiiiiiii das ufe und abe und schelle, rose hin und her hät mi ganz durenand bracht hihihihi

Ich muess sicher na es paar mal üebe :-)